VOV4.Jarai-Tui hăng kông ty apui lơtrik Dak Nông, amăng 6 blan akŏ thun, đơ đam tơring čar hơmâo pơkrem 5,55 klăk kWh apui lơtrik. Boh tơhnal anai, yua hơmâo pơtrut bruă pơtô pơblang hơdră mă yua apui lơtrik thâo pơkrem, tŭ yua klă. Ră anai PC Dak Nông, jing anom bruă apui lơtrik Dak Nông wai lăng, sĭ mơdrô apui lơtrik kơ 178 rơbâo tuai yua apui lơtrik. Hrom hăng bruă ngă klă wai lăng, sĭ mơdrô apui lơtrik kơ mơnuih ƀôn sang hăng djop sang bruă pơkĕ yua, anom bruă anai dŏ pơtô kơ mơnuih yua apui lơtrik khom sem lăng re se, rơnăk rơgoh, pơgang hrĕ apui lơtrik hăng gơnam yua pơkĕ apui lơtrik kiăng hơđong kjăp hơđong na nao.

Mă yua apui lơtrik pil hrip pơ-iă yang hrơi, khom pơrơgoh na nao anŏ pơkĕ pil

apui lơtrik kiăng tŭ yua hloh

Kông ty pơtrut ƀing tuai, sang bruă sĭ mơdrô pơkĕ yua apui lơtrik mă yua apui lơtrik amăng mông ƀiă mơnuih pơkĕ yua kiăng plai ƀiă kơniă ƀudah huač apui lơtrik lơ̆m pơkĕ yua, ĕp lăng re se hrĕ pơkĕ yua apui lơtrik, kiăng mă yua djơ̆ hơdră laih anun thâo pơkrem. Anom bruă apui lơtrik pơtrut pơsur ƀing tuai yua apui lơtrik tuh pơ alin blơi gơnam yua pơkĕ apui lơtrik hrip pơ-iă yang hrơi ƀơi bơbung sang kiăng pơkrem apui lơtrik yua.

Nay Jek: Pơblang