VOV4.Jarai - 3 klăk phun kyâo amra hơmâo tơring čar Dak Nông pla kơtuai tui jơlan glông amăng plơi prong hăng hơdôm kual lŏn glai kơtuai tui glông jơlan prong amăng tơring čar ƀrô tal hơdor glăi 132 thun hrơi tơkeng Khua mir sir Hồ Chí Minh. Tơlơi anai hơmâo Khua mua Jơnum min mơnuih ƀon sang tơring čar Dak Nông lăi amăng jơnum hăng ƀing mă tơlơi pơhing phrâo lơ 17/5, anai lĕ mông ngui adôh suang pioh hơdor glăi 132 thun hrơi tơkeng Khua mir sir Hồ Chí Minh hăng mông pơphun “Tết pla kyâo hơdor na nao kơ Wa Hô”.

Amăng 3 klăk phun kyâo hơmâo tơring čar Dak Nông pla tal anai, hơmâo giăm 1 klăk phun kyâo hngo tlâo pok hla hơmâo pla kơtuai tui jơlan mrô 14 hăng 28

Amăng 3 klăk phun kyâo hơmâo tơring čar Dak Nông pla amăng tal anai, hơmâo giăm 1 klăk phun hngo tlâo pok hla amra pla kơtuai jơlan mrô 14 hăng 28, ƀơi hơdôm kual lŏn glai arăng phă, sua mă. Kơnong amăng mông pơphun mơguah lơ 19/5, hrŏm hăng khul hlăk ai, ƀing apăn bruă mơng hơdôm anom bruă amăng tơring čar jak iâu rơbêh 3.250 čô mơnuih apăn bruă, ling tơhan gum hrŏm nao pla kyâo ƀơi hơdôm kual lŏn glai arăng phă kơtuai jơlan mrô 14 hăng 28.

Siu Đoan: Pơblang