VOV4.Jarai - Kiăng pơƀut pơkra pơjing, pơplih phrâo hrĕ apui lơtrik amăng plơi pla jing sa amăng hơdôm bruă kiăng tuh pơ plai hlâo bơwih brơi bruă bơwih ƀong huă mơnuih mơnam mơng tơring čar Dak Nông. Ră anai, rơring čar glăk ngă pơgiong hĭ bruă pơkra apui lơtrik amăng plơi, mă mơng apui kơnuk kơna, hăng mrô prăk tuh pơ plai rơbêh 710 klai prăk, brơi apui yua kơ giăm 15.000 boh sang anŏ.

 Dak Nông pơhlôm hơmâo apui bơwih brơi bruă pơđĭ kyar bơwih ƀong mơnuih mơnam.

Ơi Nguyễn Ngọc Ánh, Khua kông ti apui lơtrik Dak Nông, brơi thâo, kiăng hơdôm ring bruă dưi ngă pơhlôm djơ̆ hrơi pơkă, Kông ti hơmâo čih pơkra hơdră ngă bruă rơđah laih, hơdôm anom bruă apui lơtrik iâu mơnuih mă bruă, rơdêh, măi mok pơphun pơkra mơtăm. Laih dong, hăng tơlơi gơgrong bruă ngă rơđah brơi tơlơid đăo gơnang kơ mơnuih ƀon sang, anom bruă hơmâo ngă klă bruă wai lăng, mă yua apui rơnuk rơnua, hơđong bruă bơwih brơi bruă pơđĭ kyar bơwih ƀong huă - mơnuih mơnam laih anun djru pơđĭ tui tơlơi hơdip kơ mơnuih ƀon sang.

Siu H’Mai: Pơblang