Tui Đại tá Bùi Quang Thanh, Khua anom bruă kông ang tơring čar Dak Nông, kiăo tui tơlơi git gai mơng khua mua Ding jum kông ang, Ping gah tơring čar, Khul pơ ala mơnuih ƀon sang, Jơnum min mơnuih ƀon sang, kông ang tơring čar Dak Nông hơmâo gơgrong pok pơhai lu hơdră pơplih phrâo, hơdeč hmar, pơčeh phrâo. Mơng anun ngă tui pran kơtang mơng abih bang mơnuih apăn bruă, jak iâu gum hrŏm mơng hơdôm anih anom kơđi čar amăng tơring čar.

Hăng bruă pok pơhai khut khăt, ha amăng plĕ, hơdeč hmar hơdôm hơdră bruă, hăng jơlan gah “Mă bruă abih pran, ƀu hơmâo abih mông”, mă bruă tơhrơi kah hăng mơmŏt mlăm, ƀu hơmâo hrơi pơdơi, “hyu rĭm boh sang anŏ, plơi pla” pel ĕp, pơkra ming hră pơ-ar, jak iâu mơnuih ƀon sang nao ngă hră căn cước công dân. Yap truh lơ 29/5/2023 kông ang tơring čar Dak Nông hơmâo pơgiong bruă pơkra hră căn cước công dân brơi abih bang mơnuih amăng đơ đam tơring čar, tañ ƀiă pơhmu hăng tơlơi pơkă hăng Ding jum kông ang hăng pơgiong hlâo hrơi pơkă mơng Ding jum kông ang rơbêh 2 blan.