Tui hăng Hră pơtrun mrô 969, Khua Jơnum min mơnuih ƀôn sang tơring čar Dak Nông pơsit pôr tơlơi hŭi rơhyưt ječ ameč truh yua lŏn adai ngă hăng rŭ glăi pơsir 3 bit anih lŏn čơđang tơhlŏm, dlưh, kah hăng dơnao pơkong ia prong Dak N’ting, să Quảng Sơn, tơring glông Dak Glong; jơlan amur Hồ Chí Minh ƀơi Km 1.900+350, phường Nghĩa Thành, plơi prong Gia Nghĩa; amăng kual plơi Ƀon Bu Krăk hăng Ƀon Bu Prâng 1A, să Quảng Trực, tơring glông Tuy Đức.

Kiăng bŏng glăi tơlơi truh lŏn adai ngă, Khua Jơnum min mơnuih ƀôn sang tơring čar Dak Nông pơtrun hiăp brơi hlă gai dưm pơnăng pơthâo anih hŭi rơhyưt, kom anom bruă, mơnuih ƀu hơmâo bruă mă nao giăm anih hơmâo tơlơi hŭi rơhyưt anun; brơi pơdŭ đuăi mơnuih ƀôn sang, dram gơnam kông ngăn mơ̆ng anih hŭi rơhyưt; pơphun jao mơnuih dŏ krăo lăng mă bruă hrơi mlam pơblih nao rai; Pơkă lăng hăng pơtong rơđah tơlơi či hơmâo, tơlơi či truh, lŏn čơđang, dlưh, pơčah ter ring bruă bơnư̆ pơkong đah mơ̆ng hơmâo hơdră pơsir hmao kru.