Tal pơplông mă ƀăng anih 12 thun anai tơring čar Dak Nông hơmâo 7404 čô mơnuih čih anăn pơplông, amăng anun, 1771 čô čơđai sang hră lĕ mơnuih djuai ƀiă. Đơ đam tơring čar hơmâo 19 bit anih pơphun pơplông hăng 327 boh anih mut pơplông. Anih pơphun pơplông pơpha truh pơ djop tơring glông, plơi prong kiăng ngă gêh găl kơ čơđai sang hră nao pơplông, đah mơ̆ng plai ƀiă čơđai nao rai ataih, pơhlôm hơđong rơnuk rơnua bruă rô nao rai kơ čơđai sang hră laih anun mơnuih amăng sang anŏ nao hrŏm.

Ơi Phan Thanh Hải, Kơ-iăng Khua Gơnong bruă Pơtô hăng Pơjuăt tơring čar Dak Nông brơi thâo, truh ră anai, bruă prăp lui anŏ gêh găl kơ tal pơplông djop laih. Lơ̆m pơ anih pơkŏn dŏ hơmâo tơlơi rung răng, bruă pơhlôm hơđong tơlơi rơnuk rơnua hăng pơgăn bruă ngă soh tơlơi phiăn pleč ƀlor amăng mông pơplông, mă yua boh thâo ia rơgơi kom khut khăt yơh amăng hrơi mông pơplông thun anai, đơ đam tơring čar Dak Nông đing nao tong ten biă mă.