Jơnum min mơnuih ƀôn sang tơring čar Dak Nông phrâo tŭ yap mă yua 600 klai prăk kiăng pơkra ming jơlan tơring čar mrô 1- ară jơlan akŏ phun tơkuh nao rai tơring glông giăm guai Tuy Đức hăng Dak R’lấp laih dong jơlan Hồ Chí Minh, mut nao tong krah tơring čar. Akŏ bruă anai hơmâo pok pơhai dong mơng thun 2025-2028. Tui tơlơi pơkă, jơlan tơring čar mrô 1 Dak Nông amra pơkra ming tui hơnong pơkă jơlan gưl III, hăng jơlan rơhaih 9 met, prong 6 met, glông giăm 26 km.

Him lăng truh rơnuč thun 2025 amra pơgiong mơng 20-30% bruă man pơkra. Jơlan tơring čar mrô 1 Dak Nông ră anai glăk răm rai kơtang, ngă kơ bruă pơdŭ pơgiăng gơnam tam găn nao jơlan anai kaih giăm 3 wŏt, bơdjơ̆ nao tơlơi hơdip, tơlơi bơwih ƀong huă mơng mơnuih ƀôn sang hăng hơmâo lu tơlơi hŭi rơhyưt lơm đuăi rơdêh găn nao rai.