VOV4.Jarai - Čơtlăm lơ 15/5, Khul pơlir hơbit Hlăk ai dêh čar Việt Nam tơring čar Daklak hăng Khul ơi ia jrao klăk ai tơring čar pơphun ngă Lơphet bơni ơi ia jrao mơbruă tơring čar Daklak thun 2022, ư-ang 32 čô ơi ia jrao hlăk ai hmâo lu tơlơi gum hơgôp hăng gơnong bruă ia jrao, ƀơk gơnam tam kơ 2 čô ơi ia jrao hlăk ai tơnap tap.

Amăng jơlan hơdră, ƀing ơi ia jrao hlăk ai hmâo lăi pơthâo kơ bruă mă hăng hơdôm tơlơi tơnap lom dô̆ mă bruă, biă ñu lom klin Covid-19 ngă kơtang. Ƀing ơi ia jrao klăk ai ăt mơ-ĭt mơn hơdôm tơlơi pơmin, tơlơi čang rơmang, čang rơmang mơnuih ƀôn sang pơđĭ tui tơlơi pơmin pơgang pơgăn klin, hrom hăng gơnong bruă ia jrao pơhlôm bruă bơwih brơi tơlơi suaih pral, hơđong tơlơi hơdip mơta./.

Siu H’ Prăk: Pơblang