VOV4.Jarai - Mơguah lơ 8/4, Anom bruă pơtô pơhrăm plơi prong Buôn Hồ, tơring čar Daklak pơsit, ƀơi plơi prong phrâo hmâo tơlơi čơđai hrăm anih 8 pioh glăi hră čih laih anun rô̆t tơkuai pơdjai drơi pô. Čơđai anun lĕ B.Đ.K hrăm anih 8A2, Sang hră gưl 2 Ngô Mây. Sang anô̆ ĕp ƀuh sa pok hră čih pioh glăi yua kơ ñu čih pioh glăi hăng bôh yôm čih lăng ƀuh tơlơi hơdip tơnap. Hlâo kơ anun, tui hăng tơlơi lăi pơthâo mơng Sang hră gưl 2 Ngô Mây, mơguah lơ 6/4, anih 8A2 ƀu hmâo hră pơkă bruă hrăm online ôh. Lom anai adơi K ngui điện tử hăng amĭ ñu pơhiăp kơ ñu. Tơdơi kơ djop mơnuih amăng sang anô̆ tơbiă ƀơi đang tiu truh năng ai ñu 9 mông ƀu ƀuh K tơbiă anun mut ĕp lăng lĕ ƀuh K rô̆t tơkuai amăng sang apui. Tơdơi kơ anun sang anô̆ gơñu ôr hrek, ba K nao pơjrao samơ̆ ƀu dưi pơjrao ôh. Tơdơi kơ hmâo tơlơi, Kông ang plơi prong Buôn Hồ ăt hmâo nao pơsit mơn. Tui hăng tơlơi pơsit mơng Sang hră gưl 2 Ngô Mây, K lĕ čơđai hmâo tơlơi pơmin thâo biă amăng bruă hrăm hră, triăng, săng. Hrăm tal sa, thun hrăm 2021-2022, K dưi dăp čơđai hrăm thâo, K rơngiă ama, ră anai hơdip hrom hăng amĭ./.

Siu H’ Prăk: Pơblang