VOV4.Jarai - Ƀơi plơi prong Buôn Ma Thuột, Khul hlăk ai tơring čar Daklak hmâo pơphun Hrơi jơnum ngui hlăk ai mă bruă kơ anom bơwih ƀong, bruă mă thun 2022. Hrơi jơnum hlăk ai mă bruă hăng bruă mă, bruă mă tơring čar Daklak thun 2022 hmâo ngă pơhư̆č laih giăm truh 1.000 čô mơnuih amăng khul, ƀing tơdăm dra hơdôm anih anom nao gum hrom.

Amăng jơlan hơdră hrơi jơnum ngui, mơnuih amăng khul, tơdăm dra mă bruă kơ anom bơwih ƀong dưi lăi pơthâo bruă mă, lăi pơthâo, pơsit jơlan gah bruă mă. Giăm hmâo 300 bôh anih anom bruă mă dưi hmâo 18 bôh anom bơwih ƀong amăng tơring čar pô hăng tơring čar pơkon lăi pơthâo ruah ƀing hlăk ia, tơdăm dra. Tal anai, Khul hlăk ai tơring čar daklak hmâo ƀơk brơi 50 anung gơnam hmâo nua rơbêh kơ 15 klăk prăk truh tơdăm dra mă bruă kơ anom bơwih ƀong tơnap tap./.   

Siu H’ Prăk: Pơblang