VOV4.Jarai - Čơtlăm lơ 28/8, sa cô khua Jơnum min mơnuih ƀôn sang să Ea Tul, tơring glông Čư̆ Mgar, tơring čar Daklak pơsit, ƀơi să phrâo hmâo tơlơi ia ƀlung ngă dua adơi ayong tơkeng dua djai. Anun lĕ 2 čô čơđai dô̆ ƀơi ƀuôn Yao, să Ea Tul, tơring glông Čư̆ Mgar, tơring čar Daklak, 12 mông yang hrơi dŏng lơ 28/8, amĭ ama dua čô čơđai Y’Đ hăng Y’ L ƀu ƀuh ană glăi huă asơi, anun hyu hơduah ĕp. Lom nao pơ̆ dơnao ia ƀuôn Yao, ƀuh sum ao hăng jep ƀing ană gơñu hăng dlông kơdư, đing đăo ană pô hmâo tơlơi sat anun iâu hrač djop mơnuih nao gum djru.

Kual dơnao ia ƀuôn Yao, anih hmâo tơlơi truh ruă pran jua

Hmâo mă tơlơi pơhing, lu mơnuih ƀôn sang hăng khul apăn bruă plơi pla nao djru, hyu ĕp. Tơdơi kơ 45 mơnit, djop mơnuih ĕp ƀuh drơi jăn dua čô čơđai amăng hlung dơnao ia, tơdơi kơ anun djru sang anô̆ bơwih brơi kơ dua čô čơđai ƀu bưng anun. Dưi thâo, dơnao ia ƀuôn Yao mă yua kiăng pruih kơ đang hmua hăng đang kyâu mơng mơnuih ƀôn sang amăng kual. Dơnao ia anai dưi war pơgăn hăng hlă hnal lăi pơthâo ia dơlăm huĭ rơhyư̆t. Khă hnun hai, yua kơ kiăng kơ hơduah ĕp lăng, ƀing čơđai Y’ Đ hăng Y’ L ăt leč nao ngui mơn laih anun hmâo hĭ tơlơi ruă pran jua anun./.

Siu H’ Prăk: Pơblang