VOV4.Jarai - Mơguah lơ 13/7, Gơnong bruă sĭ mơdrô tơring čar Daklak git gai gum hrom hăng Khul mơnuih bơwih ƀong sĭ mơdrô plơi prong Buôn Ma Thuột pơphun ngă Lơphet kĭ pơkôl gum hrom bruă mă kơplah wah mơnuih ngă đang hmua pơkra gơnam OCOP Daklak hăng mơnuih ba hyu sĭ ba gơnam mut amăng hơdôm bôh siêu thị mơng Grŭp Central Retail.

Hơdôm bôh anom bơwih ƀong sĭ mơdrô kĭ pơkôl gum hrom hăng Grŭp Central Retail

Kiăo tui anun, 11 bôh anom bơwih ƀong sĭ mơdrô mơng grŭp hmâo gơnam djơ̆ tui tơhnal pơkă OCOP hmâo pơphun kĭ pơkôl ba gơnam mut amăng hơdôm bôh siêu thị GO Buôn Ma Thuột; 3 bôh anom bơwih ƀong anun lĕ Simexco Daklak; Sang bruă Damaca Nguyên Phương; Sang bruă bơwih ƀong mơnuih ƀôn sang Nông Trại EDE hmâo gum hrom kĭ pơkôl gum hrom hăng Sang bruă ngă đang hmua hăng sĭ mơdrô gơnam Hương Cao Nguyên ba gơnam mut amăng hơdôm bôh siêu thị gah Grŭp Central Retail Việt Nam anun lĕ: siêu thị GO, mini go! Hăng TopsMarrket laih anun Lan Chi./.

Siu H’ Prăk: Pơblang