VOV4.Jarai - Amăng 2 hrơi lơ 14 hăng 15/4, Khul pơ ala mơnuih ƀôn sang tơring čar Daklak hmâo lăng tui akô̆ bruă hăng sa dua bôh tơring glông, plơi prong hăng Jơnum min mơnuih ƀôn sang kơ pơsir hră ƀom kiơng mơng mơnuih ƀôn sang rơwang mơng thun 2016-2021. Tui hăng tơlơi lăi pơthâo glăi mơng Jơnum min mơnuih ƀôn sang tơring čar Daklak, mơng thun 2016-2021, đơ đam tơring čar Daklak hmâo tŭ mă 9.100 pok hră ƀom kiơng hăng rơbêh 33.800 pok hră rơkâo đĭ, lăi nao kơđi tơlơi.

Abih bang hơdôm tơlơi ƀom kiơng dưi hmâo laih ƀirô hmâo tơlơi dưi pel ĕp, pơsir pơhlôm pơdah rơđah, tơpă, djơ̆ tơlơi phiăn. Pơ̆ anăp anai, Jơnum min mơnuih ƀôn sang tơring čar Daklak khom git gai dong hơdôm gưl, hơdôm gơnong bruă pok pơhai tơpă, ba glăi bôh tơhnal hơdôm tơlơi pơkă kơ tŭ jum mơnuih ƀôn sang hăng pơsir tơlơi ƀom kiơng; kơtưn bruă wai lăng pơdŏng pơkă, kơčăo bruă mă yua lŏn, pơhlôm rơđah, pơdah tơpă. Biă ñu kiăng đing nao hloh dong bruă pơtô pơhrăm mơnuih mă bruă tui djơ̆ tơlơi kiăng bruă pơsir hră ƀom kiơng, tơgŭ kơđi./.

Siu H’ Prăk: Pơblang