Lơ 12/10/2007, khul Đah kơmơi bơwih ƀong tơring čar Daklak dưi pơdŏng. Rim thun, ƀing adơi amai amăng khul hmâo gum hơgôp hơdôm rơtuh klăk prăk kơ hơdôm jơlan hơdră kah hăng: Anih pơđao pran jua khăp păp, Pô lăng ba bơwih brơi kơ čơđai drit druai, djru đah kơmơi ƀun rin, sang anô̆ tơnap tap pơđĭ kyar bơwih ƀong, pơgang pơgăn Covid-19.

Tơdơi rơbêh kơ 15 thun mă bruă, Jơnum min mơnuih ƀôn sang tơring čar Daklak hmâo kĭ laih tơlơi pơsit brơi pơdŏng Khul đah kơmơi bơwih ƀong sĭ mơdrô tơrinh čar Daklak. Tơhnal pơkă mơng Khul kiăng tum pơƀut đah kơmơi bơwih ƀong sĭ mơdrô mă bruă amăng djop bruă, djop mơta bruă bơwih ƀong amăng mơnuih mơnam; djru pơđĭ kyar bơwih ƀong, tô nao rai mơnuih bơwih ƀong amăng tơring čar Daklak hăng pơtrut tơlơi pơlir nao rai, gum hrom, lăi pơthâo tơlơi găn rơgao wai lăng, djru nao rai tơdruă yua kơ tơlơi pơđĭ kyar pơdrong asah, dưm hơkar, pơplih phrâo./.