VOV4.Jarai - Pơphun bơyan hơjan ia ling dăo thun anai, hrom hăng bruă pel ĕp na nao hơdôm glông hrĕ pơkĕ apui lơtrik, Sang bruă apui lơtrik Daklak hmâo prăp lui laih gơnam tam, măi mok pơhlôm hlâo kiăng bŏng glăi hăng ayuh hyiăng ƀu klă ngă.

Pơsir tơlơi truh yua kơ apui dah

Anom ăt hmâo ngă giong mơn bruă pơgang pơgăn ayuh hyiăng ƀu klă ngă, hyu hơduah ĕp mơnuih hmâo tơlơi truh, tañ pơsir lom hmâo hơdôm tơlơi truh gah apui lơtrik.

Anom bruă Apui lơtrik Ea Kar agaih phun kyâu amăng plơi prong tơdơi kơ angin hơjan huĭ kơ rơbuh trun ƀơi jơlan hrĕ apui ba truh djai apui

Biă ñu ƀơi hơdôm kual gah tơring glông Ea Kar, Mdrak, Krông Bông hơdôm anih juăt hmâo tơlơi truh gah apui lơtrik, hơdôm bôh anom hmâo kơtưn mă yua flycam, camera kiăng pel ĕp jơlan hrĕ apui, rơnoh pơ-iă; pel ĕp, pơplih pơkra măi mok sô bring ƀong; jah agaih glông hrĕ apui... Hrom hăng anun ngă tui hơdôm bruă pơgăn hlô mơnong mut nao amăng kual hrĕ apui hmâo tơlơi truh, pơhlôm pơkĕ apui klă, na nao./.

Siu H’ Prăk: Pơblang