VOV4.Jarai - Kiăng prăp lui kơ tal pơplông hăng ruah čơđai đĭ hrăm anih 10, Gơnong bruă pơtô pơhrăm tơring čar Daklak hmâo rơkâo hơdôm bôh sang hră pơdŏng jơlan gah ruah čơđai kiăng pơhlôm kơjăp amăng pơtô juăt. Ƀơi plơi prong Buôn Ma Thuột hmâo 14 bôh sang hră gưl 3 ruah čơđai mut hrăm anih 10.

Amăng anun hơdôm bôh sang hră Chuyên Nguyễn Du, Sang hră gưl 3 đom lom djop djuai ania ƀiă Nơ Trang Lơng pơphun pơplông ruah mut; Sang hră gưl 3 Thực hành Cao Nguyên gah Đại học Tây Nguyên hăng 4 bôh sang hră mơnuih ƀôn sang (anun lĕ Phú Xuân; Victory; Hoàng Việt; Đông Du) ruah tui hơdră pha ra. Hơdôm bôh sang hră gah glông kơnuk kơna dô̆ glăi ruah tui hră čih bôh tơhnal hrăm hră ƀơi hơdră hrăm gưl 2. Pơkă hlâo bruă ruah čơđai sang hră đĭ hrăm anih 10 ƀơi Daklak amra pơphun amăng krah blan 6. Gơnong bruă pơtô pơhrăm tơring čar Daklak brơi thâo: Yua kơ klin Covid-19 ngă tơnap, thun hrăm 2021-2022 lu ñu ƀing čơđai hrăm lăng nao rai mơng ataih, anun bruă pơsit anô̆ kơjăp ñu bruă hrăm hră mơng čơđai dưi đing nao hlâo lom pel ĕp./.  

Siu H’ Prăk: Pơblang