VOV4.Jarai - Mơguah lơ 6/7, ƀơi mông Jơnum tal 8, Grŭp mă bruă Ping gah tơring čar Daknông tal 12, rơwang bruă 2020-2025, Grŭp apăn bruă Ping gah tơring čar hmâo lăi pơthâo Tơlơi pơsit pơdŏng Grŭp črâo ba bruă pơgang pơgăn hưp ƀong kông ngăn, tơlơi ngă soh tơring čar Daknông. Grŭp črâo ba pơgang pơgăn hưp ƀong kông ngăn, tơlơi ngă soh tơring čar Daknông hmâo 15 čô mơnuih, amăng anun: 1 Khua Grŭp, 5 Kơ-iăng Khua Grŭp hăng 9 ding kơna.

Ơi Ngô Thanh Danh – Khua Grŭp črâo bruă pơgang, pơgăn hưp ƀong kông ngăn, tơlơi ngă soh tơring čar Daknông

Ơi Ngô Thanh Danh, Khua git gai Ping gah tơring čar, Khua Grŭp khua pơ ala mơnuih ƀôn sang tơring čar ngă Khua Grŭp črâo ba pơgang, pơgăn hưp ƀong kông ngăn, tơlơi ngă soh tơring čar Daknông. Bruă apăn, bruă mă, tơlơi dưi, pơphun glông bruă, hơdră mă bruă, tơlơi rô nao rai bruă mă mơng Grŭp črâo ba bruă gah Grŭp črâo ba pơgang pơgăn hưp ƀong kông ngăn, tơlơi ngă soh tơring čar ngă tui Tơlơi pơkă mơng Grŭp git gai Ping gah dêh čar hăng tơlơi pơkă mơng Grŭp apăn bruă Ping gah tơring čar./.

Siu H’ Prăk: Pơblang