Anai jing tơlơi pơhing hơmâo ba tơbiă amăng Jơnum abih bang pơtŏng glăi bruă ngă tui Tơlơi klah čun mrô 01 mơng Ding jum kơđi čar tal 13 kơ ngă tui Tơlơi pơčrâo trun mrô 05 “Kơ pơtrut hrăm hră hăng hla tui tơlơi pơmin pran jua Hồ Chí Minh” hơmâo Anom pơtô bruă Ping gah dêh čar pơphun hrơi tom brơi lơ 12/6.

Lăi pơthâo amăng mông Jơnum anai brơi ƀuh, boh than ngă tui Tơlơi klah čun mrô 01 mơng Ding jum kơđi čar tal 13 amăng 2 thun rơgao, hơdôm boh tơring čar, ƀon prong hăng hơdôm anom bruă Kơnuk kơna hơmâo hơdră ngă bruă rơđah, pok pơhai ngă khut khăt, djơ̆ hơdră. Mơng anun hơmâo lu hơdră ngă bruă thâo prăp rơmet mă pô, hơdeč hmar, thâo pơčeh phrâo, hơmâo lu hơbô̆ bruă phrâo, hơdră ngă bruă klă amăng plơi pla, djru ngă truh kih hơdôm hơnong pơkă bơwih ƀong huă - mơnuih mơnam, pơhlôm pơgang rơnuk rơnua, pơtom hiăp, akŏ pơdong Ping gah hăng anom bruă kơđi čar. Yap truh blan 4 phrâo rơgao, dêh čar ta hơmâo rơbêh 25.500 hơbô̆ bruă phara amăng bruă hrăm hăng hla tui Wa Hồ. amăng anun hơmâo ƀuh lu hơbô̆ bruă phrâo, pơčeh rơgơi, hơdră ngă bruă hiam ƀơi lu tơring čar, ƀon prong...