Jơlan hơdră anai hơmâo pơphun ƀơi să Ea Knuếc, anih pla sâu riêng prong hloh mơ̆ng Dak Lăk. Tơlơi lăp hơdor mơ̆ng jơlan hơdră anai lĕ ngă yang “Tơkung hơbia sâu riêng” mơ̆ng phun kyâo prong hloh glăi pơ anih jơnum ngui. Tơlơi ngă yang rơkâo brơi neh met wa Êđê trơi pơđao yao mơak ăt hơmâo pơphun mơn, čang rơmang angin rơnang phang mơak, ngă hmua hơmâo, tơphă tơphai, sâu riêng mơboh lu, nua đĭ, plơi pla yâo mơak.

Bruă jơnum “Ea Knuếc truh bơyan pĕ pơhrui” ăt hơmâo pơdă gơnam amăng sang čơ, pơdă gơnam OCOP, gơnam mơ̆ng hmua, mơnong ƀong huă, sem lăng đang hmua hăng livestream pơƀuh boh sâu riêng amăng atur boh thâo mrô. Mơ̆ng anun, hrơi ngui ngor sâu riêng Dak Lăk hơmâo bang hyu truh pơ anih pla, ba mơnuih ƀôn sang, ƀing tuai hăng anih mơdrô jê̆ giăm hloh hăng mơnuih pla. Să Ea Knuếc jing sa amăng hơdôm anih pla sâu riêng prong hloh tơring čar Dak Lăk hăng giăm 6.000 ha, rơbêh 2.800 ha glăk pĕ pơhrui, hơmâo rơbêh 70.000 tơn, prăk pơhrui glăi năng ai 4.000 klai./.