Hlâo kơ anun, mơguah anai, ƀing khua pơsit 03 tơlơi phiăn, 08 Hră pơtrun. Ƀing khua amra pơsit Hră pơtrun mơ̆ng Khua mua pơ ala mơnuih ƀôn sang dêh čar kơ bruă pơgang, pơkơdong glăi mơnuih ngă soh hăng bruă ngă soh tơlơi phiăn, bruă mă mơ̆ng Sang bruă tơgŭ kơđi mơnuih ƀôn sang, Sang phat kơđi mơnuih ƀôn sang hăng bruă ngă tui tơlơi phiăn (pơ ala hĭ Hră pơtrun mrô 96 mơ̆ng Ƀirô khua pơ ala mơnuih ƀôn sang dêh čar).

Ƀing khua pơ ala kơđŏm brơi Hră pơtrun mơ̆ng Khua mua pơ ala kơ pơhrŏ prăk jia mơ̆ng ha čô mơnuih, prăk jia hăng sang bruă mơdrô hăng hơjăn pô laih anun sang bruă mơdrô; Hră pơtrun mơ̆ng Ƀing khua pơ ala mơnuih ƀôn sang kơ pơčlah phara Kơčăo bruă apui lơtrik ayuh Ninh Thuận jing hơdôm kơčăo bruă phara hơjăn; Hră pơtrun mơ̆ng ƀing khua pơ ala pơsit tuh pơ alin Jơlan hơdră dêh čar pơtrun đĭ kyar gru grua - mơnuih mơnam, plơi pla djuai ania hăng čư̆ siăng rơwang thun 2026-2035. Pơsit brơi 2 pok hră pơtrun mơ̆ng Ƀing khua pơ ala mơnuih ƀôn sang kơ bruă akŏ pơdong ƀon prong Quảng Ninh; akŏ pơdong ƀon prong Bắc Ninh. Tlam anai, Ƀing khua pơ ala pơsit brơi 05 tơlơi phiăn; 03 tơlơi pơtrun hăng jơnum pơđut hĭ tal Jơnum ƀu tui tơđar lok sa, Khua pơ ala mơnuih ƀon sang dêh čar tal XVI./.