VOV4.Jarai - Ding jum apăn bruă kơnuk kơna phrâo rơkâo pơmut hrom lu anom bruă jing ha sa mơng Ding jum ia jrao, Ding jum đang hmua hăng pơđĭ kyar ƀôn lan dêh čar. Ding jum apăn bruă kơnuk kơna tŭ ư hrom hăng tơlơi ba tơbiă mơng Ding jum đang hmua hăng pơđĭ kyar ƀôn lan dêh čar kơ bruă ngă giong hơdră pơphun bruă hmâo abih bang 27 anih anom phun, amăng anun hmâo 21 khul grŭp mă bruă hră pơ-ar hăng 6 bôh anom mă bruă kơnuk kơna. Hăng Ding jum ia jrao, djă pioh hơnong 12 khul grŭp hmâo bruă wai lăng kơnuk kơna; mut hrom, pơphun glăi 8 bôh anom bruă. Hlâo kơ anun, akô̆ blan 3 thun anai, Khua dêh čar ta rơkâo hơdôm ding jum, gơnong bruă, plơi pla čih tơlơi pơtrun pơkă bruă apăn, bruă mă, tơlơi dưi hăng hơdră akô̆ pơhun bruă mơng ƀirô pô mơ-ĭt kơ Ding jum apăn bruă kơnuk kơna, Ding jum tơlơi phiăn pel ĕp glăi, lăi pơthâo kơ Kơnuk kơna lăng glăi, pơsit amăng blan 3/2022. Khă hnun hai, tui hăng Kơ-iăng Khua Ding jum apăn bruă kơnuk kơna Nguyễn Duy Thăng, bruă dưm dăp glăi glông bruă, mơnuih mă bruă lĕ tơlơi tañ bơdjơ̆ nao, tơnap khom hmâo mông pel ĕp dơlăm anun amra lăi pơthâo kơ Kơnuk kơna lăng glăi pơ̆ anăp anai./.

Siu H’ Prăk: Pơblang