VOV4.Jarai - Ding jum ia jrao phrâo hơmâo tơlơi pơgôp hiăp kơ hơdră pơphun pơplông abih anih 12 thun 2022, amăng anun lăi nao ƀing čơđai sang hră ƀă klin Covid-19. Amăng anun, hăng čơđai F0, tơdah glăk hơmâo krăp lăng, pơjrao pơ sang ia jrao amăng mông glăk pơplông, amra hơmâo hră pơsit dưi mă ƀang ƀu kiăng pơplông. Ƀing čơđai hơmâo tơlơi rơkâo kiăng nao pơplông amra pơphun pơplông amăng tal pơplông pơkŏn dong. Ƀing čơđai ƀă klin F0 glăk hơmâo krăp lăng, pơčlah pơ sang amăng mông pơplông amra sem lăng dưi brơi truh anih mơn ƀu kiăng pơplông. Tơdah čơđai kiăng nao pơpông mơn, khŏm hơmâo hră rơkâo mơng čơđai wơ̆t hăng hơmâo amĭ ama nu kĭ ƀudah pô čem rông lăng ba anun kĭ brơi, amăng anun čơđai sang hră khŏm ƀuăn ngă tui klă hơdră pơgang klin Covid-19. Rơđah biă ñu, pơphun brơi pơplông amăng anih pioh hơjăn kơ ƀing F0 hơmâo krăp lăng pơčlah pơ sang tơdah hơmâo tơlơi rơkâo. Čơđai dŏ jê̆ hăng pô ƀă klin (F1) dưi pơplông hrŏm hăng ƀing čơđai huăi bơdjơ̆ nao klin Covid-19 mơn. Ƀing čơđai arăng glăk krăp lăng yua đing đăo ƀă klin đôč ăt dưi pơplông mơn. Khul pơphun pơplông brơi čơdai arăng đing đăo ƀă klin pơplông hơjăn đah mơng pơhlôm pơgang klin Covid-19.

Siu H’Mai: Pơblang