Tơdơi kơ hmư̆ pô pơ ala kơ Grŭp bơwih ƀong dêh čar ta lăi pơthâo, gum pơhiăp mơ̆ng hơdôm bôh ƀirô, Ding jum kơđi čar hmâo bơkơtuai hăng phun ñu tŭ ư kơ hơdôm hơdră pơtrun, tơlơi pơmin, pơsit jơlan gah yôm phăn. Klah čun mông Jơnum, Khua git gai Ping gah, Khua mir sir dêh čar ta ơi Tô Lâm lăi rơđah ƀôn prong kơsem min dong, lăi pơthâo abih, pok pơhai, kơsem min mă yua hơdôm hơdră pơkă, hơdră bruă phara ha jăn hloh hmâo tơhnal pơplih prong lăp djơ̆ hăng bôh nik pơđĭ kyar mơ̆ng ƀôn prong Hải Phòng djơ̆ jơlan gah pơsit truh thun 2030, tơhnal lăng nao truh thun 2045.

Ăt amăng mơguah lơ 13/9, Ding jum kơđi čar jơnum gum pơhiăp kơ Akô̆ bruă pơdŏng plơi prong Huế jing ƀôn prong dêh čar pơdah tơlơi čang rơmang, tơlơi djơ̆ hrŏm mơ̆ng djop gưl mơnuih ƀôn sang; pơjing pran pơtrut pioh Thừa Thiên Huế ngă tui dong phiăn juăt ngă hơkrŭ ư-ang, pơgang, ngă tui nua yôm gru grua đưm plơi prong hăng gru grua bôh thâo đưm Huế, pơdŏng plơi prong Huế jing anih anom phun mơ̆ng kual Tŏng Krah dêh čar, lăp djơ̆ hăng tơlơi čang rơmang mơ̆ng Ping gah dêh čar, Ding jum kơđi čar hăng Mơnuih ƀôn sang đơ đam dêh čar./.