Pơ ala kơ Ding jum kơđi čar, Khua git gai Ping gah dêh čar ta ơi Tô Lâm hmâo jao laih Tơlơi pơsit mơ̆ng Ding jum kơđi čar pha bruă kơ ơi Trần Cẩm Tú, Ding kơna Ding jum kơđi čar, Ding kơna git gai Ping gah dêh čar, Khua Jơnum min pel ĕp kơđi tơlơi Ping gah dêh čar ngă Khua Grŭp ding kơna git gai Ping gah dêh čar ta tal 13, hrŏm hăng anun lăi rơđah, anai lĕ bruă yôm phăn amăng hơdôm hrơi abih bang Ping gah hlăk prăp lui klă jơnum hơdôm gưl anăp nao Jơnum tal 14 mơ̆ng Ping gah.

Ding jum kơđi čar đăo kơnang kơ ơi Trần Cẩm Tú, sa čô khua git gai gưl dlông, hmâo pơhrăm bruă phun, kơjăp bruă mơ̆ng anom bruă, hmâo bruă mă dơlăm hăng lu tơlơi găn rơgao amăng bruă mă, hmâo găn rơgao lu bruă apăn yôm phăn mơ̆ng Ping gah amăng dêh čar hăng tơring čar, ƀôn prong amra pơsir klă bruă mă rim hrơi mơ̆ng Ping gah; črâo ba Anom bruă Ping gah dêh čar hrŏm hăng hơdôm ƀirô bơdjơ̆ nao pơphun ngă tui klă jơlan hơdră mă bruă; pơhlôm bruă mă klă, pơlir hơbit, ha amăng plĕ mơ̆ng glông bruă kơđi čar. Ƀơi anăp ơi Trần Cẩm Tú đing nao git gai Anom bruă Ping gah dêh čar hăng hơdôm ƀirô bơdjơ̆ nao ngă giong klă bruă prăp lui kơ jơnum ping gah hơdôm gưl, anăp nao Jơnum tal 14 mơ̆ng Ping gah./.