VOV4.Jarai - Ding jum kông an hơmâo pơsit ruah Trung tá yă Ksor H’Bơ Khắp - Khua Kông an plơi prong Ayunpa ngă Kơ-iăng khua Kông an tơring čar Gia Lai. Tui hăng hră pơtrun mơng Ding jum Kông an, Trung tá Ksor H’Bơ Khắp hơmâo ruah mơng lơ 18/8/2022. Trung tá Ksor H’Bơ Khắp tơkeng thun 1982, anăn arăng juăt iâu lĕ Ksor Phước Hà, plơi ñu pơ Ia Trok, tơring glông Ia Pa, tơring čar Gia Lai, hrăm gah Sang hră gưl prong An Ninh Nhân dân, hrăm apăn bruă thạc sĩ luật.

Trung tá Ksor H’Bơ Khắp (rup mơng VTC)

Hlâo či hơmâo ruah ngă Kơ-iăng khua Kông an tơring čar Gia Lai, Trung tá H’Bơ Khắp hơmâo ngă Kơ-iăng khua Kông an plơi prong Ayunpa. Mơng thun 2016 truh thun 2021, yă H’Bơ Khăp lĕ ding kơna pơ ala mơnuih ƀon sang dêh čar Việt Nam, tal 14, gah Khul khua pơ ala mơnuih ƀon sang dêh čar tơring čar Gia Lai; hơmâo ngă Khua Kông an plơi prong Ayunpa (mơng thun 2019 truh blan 8/2022).

Siu H’Mai: Pơblang