Amăng mông bưp, Kơ-iăng khua ding jum ơi Lương Tam Quang pơsit tong, Ping gah, Kơnuk kơna Việt Nam lêng kơ lăng yôm tơlơi dưi gah tơlơi đăo mơng mơnuih ƀon sang, pơdah tơlơi tơpă sit, pơhlôm na nao amăng tơlơi črâo trun, hơdră bruă hăng hơmâo čih pơkra amăng tơlơi phiăn. Hơdôm tơlơi đăo lêng bơkơnar tui tơlơi phiăn, pơhlôm tơlơi hơdip hơđong, gum pơgôp, pơlir hơbit djop djuai ania, ƀu pơčlah djuai ania, tơlơi đăo.

Kơ-iăng khua ding jum ơi Lương Tam Quang čang rơmang khua anih jưh amra jing mơnuih gong jơlan pơtrut tơlơi rô nao rai sui thun kơplah wah Việt Nam-Prang pơđĭ kyar jai dơlăm tui amăng djop mơta bruă, sit biă ñu lĕ amăng bruă ngă hrŏm jar kmar amăng tơlơi đăo, kah hăng kơtưn amăng ngă hrŏm, pơlăi nao rai tơlơi găn rơgao kơplah wah Ding jum kông ang Việt Nam hăng hơdôm anom bruă phiah phiăn mơng dêh čar Prang pơgôp pơhlôm rơnuk rơnua lŏn ia, pơhlôm hơđong amăng mơnuih mơnam, gah tơlơi đăo ƀơi rĭm boh dêh čar.