Thượng tướng ơi Huỳnh Chiến Thắng, Kơ-iăng Khua pơphô bruă gah ling tơhan mơnuih ƀôn sang Việt Nam ba jơlan hlâo mơ̆ng Ding jum ling tơhan, nao ĕp lăng anih hơmâo tơlơi blah ngă yua sa khul djă phao kơtuang kơsung blah pơdjai mơnuih ƀơi sang să Ea Tiêu hăng să Ea Ktur tơring glông Čư̆ Kuin. Ơi Huỳnh Chiến Thắng hrom hăng Grup hyu mă bruă nao pơtrut pran jua ƀing tơhan pơgang ƀơi jơlan, wai lăng anih hơmâo tơlơi kơsung blah ngă sat ƀơi să Ea Tiêu hăng Ea Ktur, laih dơ̆ng rơkâo tơhan djop sang bruă, tơhan plơi, gong gai kơnuk kơna hăng mơnuih ƀôn sang răng kơđiăng.

Ăt amăng  lơ 12/6, sa grup khua mua yua kơ Thượng tướng Lương Tam Quang, Kơ-iăng Khua ding jum kông an nao čuă, tơña bla, juh alum sang anŏ hơmâo mơnuih djai, mơnuih rơka rơkač amăng tal hơmâo sa khul mơnuih djă phao kơtuang kơsung blah ngă sat ƀơi Jơnum min mơnuih ƀôn sang să Ea Tiêu hăng Ea Ktur, tơring glông Čư̆ Kuin, tơring čar Dak Lak.