VOV4.Jarai - Tlam lơ 6/2 ƀơi Trung đoàn 916, tơhan rơdêh por mrô 371, Khul ling tơhan blah hăng rơngit adai, rơbêh 5.000 phun kyâo hơmâo pla amăng mông ngă lơphet pơphun pla kyâo pioh hơdor na nao kơ Wa Hồ, ngă tui jơlan hơdră pla hơdôm klai phun kyâo mơtah mơda - yua kơ sa dêh čar Việt Nam mơtah thun 2022 yua Ding jum ling tơhan pơphun. Pơphun Tết pla kyâo, Đại tướng Phan Văn Giang, Khua ding jum ling tơhan lăi rơđah thun 2022, abih bang khul ling tơhan gir run pla 3 klăk 300 rơbâo phun kyâo amăng rơbêh 2.400 ektar đang glai. Kiăng kơ pơgiong hơnong pơkă Khua ding jum Ling tơhan ơi Phan Văn Giang rơkâo djop anom bruă tŏ tui ngă klă dong amăng bruă pơtô pơblang, kiăng kơ abih bang ling tơhan thâo tơlơi yôm mơng bruă pla glai kyâo, bruă wai pơgang ayuh hyiăng, pơtrut pơsur bruă pla kyâo amăng djop khul ling tơhan, djru bong glăi glăi ayuh hyiăng pơplih sat, hrưn đĭ tơlơi hơdip mơda.

Siu Đoan: Pơblang