Pơhiăp amăng mông mă bruă hăng Khul git gai pơphun pơplông abih anih 12 thun 2023 tơring čar Kon Tum, Kơ-iăng Khua ding jum Pơtô hăng Pơjuăt yă Ngô Thị Minh rơkâo, anăm ngă amưng ôh amăng bruă pơphun pơtô brơi tơlơi phiăn pơkă kơ bruă pơplông, kiăng pơblih phrâo hơdră mă bruă kiăng kơ ƀing nai ĕp lăng tal pơplông thâo hluh djop tơlơi phiăn pơkă, ngă tui amăng bruă mă rĭm čô pô ta; khom djă pioh tơlơi thâo, bruă ngă arăng jao amăng mông pơplông, khom bong hlâo pơsir tơlơi hơgĕt ječ ameč; akŏ bruă hyu sem lăng brơi git gai tong ten, tum teč, rơđah rơđong. Tal pơplông abih anih 12 thun 2023 tơring čar Kon Tum hơmâo 5.028 čô, amăng anun 1.722 čô mơnuih djuai ƀiă.