Ding jum pơtô hăng pơjuăt pel ĕp bruă prăp lui kơ hrơi pơplông abih anih 12 thun 2023 ƀơi Gia Lai
Thứ ba, 14:22, 06/06/2023
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Tlam lơ 5/6, Kơ-iăng khua ding jum pơtô hăng pơjuăt yă Ngô Thị Minh - Kơ-iăng khua Khul git gai bruă dêh čar Tal pơplông abih anih 12 thun 2023 hrŏm hăng ding kơna Khul mă bruă mrô 3 hơmâo ngă bruă hăng tơring čar Gia Lai kơ bruă prăp rơmet pơplông abih anih 12 thun 2023.
Tal pơplông abih anih 12 thun 2023, tơring čar Gia Lai hơmâo rơbêh 14.800 čô čơđai čih anăn pơplông, amăng anun hơmâo rơbêh 3.100 čô čơđai djuai ania ƀiă. Tơring čar hơmâo iâu pơthưr năng ai 2300 čô nai wai lăng hrơi pơplông ƀơi 41 anih pơplông či 17 boh plơi prong, tơring glông.
Pơhiăp ƀơi mông mă bruă, Kơ-iăng khua ding jum pơtô hăng pơjuăt yă Ngô Thị Minh kiăng hơdôm anom bruă bơdjơ̆ nao khŏm ngă tui djơ̆ tơlơi pơtrun mơng Ding jum pơtô hăng pơjuăt kơ bruă pơplông; pel ĕp, sem lăng glăi bruă prăp rơmet đah mơng hmao ƀuh hăng pơsir hĭ hơdôm tơlơi truh tơdah hơmâo.
Viết bình luận