VOV4.Jarai - Lơ 10/6, ƀơi ƀôn prong Đà Nẵng, Ding jum pơtô pơhrăm dêh čar ta pơphun bruă pơhrăm luai pơhlôm, pơgang, pơgăn ia ƀlung hăng pok phun Pri pơplông luai kơ čơđai sang hră đơ đam dêh čar thun 2022. Pri pơphun mơng lơ 8 – 13/6 hăng tơlơi gum hrom mơng 700 čô čơđai sang hră ƀơi 26 bôh tơring čar, ƀôn prong amăng đơ đam dêh čar. Khă tơlơi truh ia ƀlung amăng dêh čar ta hmâo jơlan gah hrŏ trun hai, samơ̆ rim thun ăt hmâo mơn năng ai 2000 čô mơnuih djai ia ƀlung, lu hloh amăng kual Đông Nam Á hăng lu hloh 8 wot bơhmu hăng hơdôm bôh dêh čar pơđĭ kyar. Ding jum pơtô pơhrăm črâo ba ngă giong hră pơ-ar pơtô bruă pơgang, pơgăn ia ƀlung, hơdôm hră pơ-ar, video clip, pơphun pơhrăm brơi bruă pơgang pơgăn ia ƀlung, pơtô luai, pơtlaih mơnuih hmâo tơlơi truh pơhlôm kơ 400 čô mơnuih apăn bruă, nai pơtô phun mơng 63 Gơnong bruă pơtô pơhrăm./.

Siu H’ Prăk: Pơblang