VOV4.Jarai - Lơ 30/6, grup hyu mă bruă mơng Ding jum pơtô pơjuăt yua kơ-iăng Khua ding jum ơi Nguyễn Văn Phúc ba jơlan hlâo hơmâo mông mă bruă hăng Khul git gai pơplông abih anih 12 thun 2022 tơring čar Dak Lak kơ bruă prap lui. Mơng pel ĕp, Grup hyu mă bruă lăng yôm bruă prap lui tal pơplông ƀơi Dak Lak, mơng pơhlôm gơnam tam truh pơ bruă pơtô hrăm brơi mơnuih djru brơi tal pơplông amăng tơring čar Dak Lak, bruă in tơlơi pơplông, ba nao hơdôm anih pơplông hăng wai lăng djơ̆ hăng tơlơi pơkă.

Mông mă bruă

Grup hyu mă bruă rơkâo gơnong bruă pơtô pơjuăt Dak Lak gum hrŏm kjăp hăng hơdôm anom bruă bơdjơ̆ nao prap lui klă hloh djop mơta. Amăng anun kiăng đing nao dong bruă pơtô pơblang brơi tơlơi pơkă amăng tal pơplông thun anai hơmâo lu anŏ pơplih. Tal pơplông anai, Dak Lak hơmâo rơbêh 20.400 čô čơđai čih anăn nao pơplông. Tơring čar prap lui 32 boh sang hră pơplông sit nik hăng 869 anih amăng 15 boh tơring glông, plơi prong.

Siu Đoan: Pơblang