Kiăo tui anun, mơ̆ng lơ 11/10, nua apah yua apui lơtrik hơnong ñu lĕ 2.103 prăk sa kWh (akă yap mă jia), đĭ 4,8% bơhmu hăng nua hlâo kơ anun. Gah phun ñu, bruă pơplih pơkra nua apui lơtrik tal anai amra pơhlôm hơdôm bôh sang anô̆ ƀun rin, hơdôm bôh sang anô̆ gah hơdră bruă gum djru bơdjơ̆ nao ƀơi rơnoh ƀu lu mơn. Tui hăng mrô yap, đơ đam dêh čar hmâo 815.000 bôh sang anô̆ ƀun rin hăng hơdôm sang anô̆ gah hơdră bruă mơnuih mơnam dưi djru prăk apui tui hơdră pơtrun mơ̆ng Gong gai dêh čar.

Amăng anun, sang anô̆ ƀun rin dưi djru hăng rơnoh dưm kơnar hăng mrô apui mă yua 30 kWh sa bôh sang anô̆ sa blan. Sang anô̆ gah hơdră bruă mơnuih mơnam hmâo mrô apui lơptrik mă yua ƀu rơgao kơ 50 kWh sa blan dưi djru tui hăng mrô apui mă yua 30 kWh. Anai lĕ tal đĭ nua apui lok 3 yap mơ̆ng blan 5 thun 2023, kiăng pơplih pơkra nua apah yua apui lơptrik tui hơdră pơkă lăp djơ̆ hăng prăk yua kơ bruă bơwih ƀong huă sĭ mơdrô./.