Amăng mông jơnum, Khua mua gơnong bruă wai lăng djop anom bruă ƀơi hơdôm boh ƀon lan đơ đam dêh čar lăng yôm tơlơi git gai mơng Ding jum amăng hơdôm bruă akŏ phun, sit biă ñu bruă dưm dăp anih anom mă bruă gưl tơring glông, să. Sit biă ñu, lu ƀon lan dong amăng hơdôm anih kiăng dưm dăp glăi lêng kơ đing nao bruă mă tơlơi pơgôp hiăp bơdjơ̆ nao bruă pơanăn anih mă bruă phrâo yua anun hơmâo tơlơi mut hrŏm biă mă. Amăng hơdôm hrơi anai 28/53 boh anih anom amra dưm dăp glăi hơmâo pơgiong hră pơ-ar.

Djop gơnong bruă wai lăng glăk kiăo tui hơdră bruă mơng Ping gah amăng bruă dưm dăp ƀơi hơdôm anih anom gah ding jum, gơnong bruă ƀon lan. Amăng hrơi blan dŏ glăk thun anai, Khua ding jum Phạm Thị Thanh Trà rơkâo đing nao hloh 2 bruă phun anun lĕ dưm dăp anih anom mă bruă gưl tơring glông, să, tơdah ƀon lan hơpă ƀu ngă pơgiong amra glăm ba ƀơi anăp gơnong glông; khŏm pơgiong amăng thun 2024.