Anai lĕ ară jơlan yôm phun, tơkuh nao rai kual Dăp kơdư hăng kual Ngŏ dơnung, kual Yŭ dơnung hăng ƀôn prong Hồ Chí Minh glông giăm 128,8 km, rơnoh prăk tuh pơ alin giăm 25.540 klai prăk. Kơ hơnong pơkă tuh pơ alin, Khua ding jum wai lăng jơlan glông ơi Nguyễn Văn Thắng brơi thâo, ring bruă anai amra pơhlôm brơi jơlan rơdêh đuăi hmar tơkuh nao rai kual Dap kơdư hăng hơdôm kual Ngŏ dơnung, tơkuh nao rai ƀôn prong Hồ Chí Minh hăng hơdôm boh tơring čar Bình Phước, Dak Nông, Dak Lak, Gia Lai hăng hơdôm boh tơring čar pơkŏn amăng kual, pơhlôm pơđĭ kyar phrâo.
Laih dong, dưi mă yua klă lŏn mơnai, pơđĭ kyar bơwih brơi tuai čuă ngui, tuh tia pơkra ming, mă čuah pơtâo…ƀơƀrư̆ pơplih bơwih ƀong huă amăng kual Dap kơdư; pơgôp ngă truh kih hơdôm hơnong pơkă, bruă jao amăng pơđĭ kyar bơwih ƀong huă mơnuih mơnam, pơhlôm wai pơgang rơnuk rơnua-hơđong amăng kual Dap kơdư, kual Ngŏ dơnung hăng lŏn ia tui tơlơi pơtrun mơng jơnum Ping gah đơ đam dêh čar tal XIII, laih dong hơdôm tơlơi pơtrun mơng Ding jum kơđi čar.
Viết bình luận