Amăng mông bưp, Ding kơna Khul git gai Ping gah ơi Lương Cường pơsit tong tal rai čuă anai amra ngă kjăp ƀiă dong tơlơi rô nao rai, gum pơgôp gru grua kơplah wah dua Ping gah, tơlơi rô nao rai giang mah ngă hrŏm djop mơta kơplah wah dua kơnuk kơna hăng mơnuih ƀôn sang Việt Nam-Bồ Đào Nha, anăp nao tal hơdor glăi 50 thun akŏ pơjing tơlơi rô nao rai pơtom hiăp dua bơnah amăng thun 2025.

Pơsit tong Ping gah Cộng sản Bồ Đào Nha lêng kơ lăng yôm tơlơi rô nao rai gum pơgôp gru grua hăng Ping gah Cộng sản Việt Nam, Khua git gai Ping gah Cộng sản Bồ Đào Nha pơsit tong amra tŏ tui pơgôp amăng bruă pơtrut rô nao rai giang mah hăng ngă hrŏm hiam klă kơplah wah dua Ping gah, dua kơnuk kơna hăng mơnuih ƀôn sang Việt Nam-Bồ Đào Nha, laih dong hrŏm hăng Ping gah Cộng sản Việt Nam ngă hơkrŭ hơdră bruă tui cộng sản hăng kông ñơn jar kmar.