VOV4.Jarai - Ƀrô tal hơdor glăi 97 thun Hrơi hră pơhing ngă hrŭ Việt Nam (21/6/1925-21/6/2022) mơguah lơ 20/6, yă Lâm Thị Phương Thanh, Ding kơna Ping gah dêh čar. Kơ-iăng Khua anom bruă gơnong glông hăng ơi Nguyễn Mạnh Hùng, Ding kơna Ping gah dêh čar, Kơ-iăng Khua anom pơtô bruă Ping gah, Khua ding jum pôr pơhing hơmâo nao čuă hăng pơpŭ Gong phun jua pơhiăp dêh čar Việt nam (VOV).

Anom bruă gơnong glông pơpŭ kơ Gong phun jua pơhiăp dêh čar Việt Nam

Amăng mông bưp, ơi Đỗ Tiến Sỹ, Ding kơna Ping gah dêh čar, Khua phun Gong phun jua pơhiăp dêh čar Việt Nam brơi thâo, ră anai, Gong phun jua pơhiăp dêh čar Việt Nam lĕ anom bruă pôr pơhing amăng djop plang hăng 8 plang pôr pơhing amăng dêh čar, 16 plang pơdah rup, 2 hră pơhing điện tử. Sit biă ñu, hơdôm plang pôr pơhing gah pơtom hiăp laih dong pôr pơhing hăng tơlơi djuai ania ƀiă hơmâo tuh pơ alin, đing nao mơng Ping gah, Kơnuk kơna. Laih dong pơsit tong, Gong phun jua pơhiăp dêh čar Việt Nam amra tŏ tui djă pioh boh than dưi ngă hăng prong kơtang ƀiă dong, ngă klă bruă mơng Ping gah hăng Kơnuk kơna jao.

Siu Đoan: Pơblang