VOV4.Jarai-Kơ-iăng Khua dêh čar ơi Lê Minh Khái kĭ hră pơtrun jao Ding jum prăk kăk djru braih 7.820 tơn mơ̆ng hơjai dêh čar djă pioh, kiăng brơi kơ hơdôm tơring čar: Bình Định, Hà Giang, Đắk Nông, Tuyên Quang, Đắk Lắk, Bình Phước, Quảng Trị, Kon Tum, Lạng Sơn, Lai Châu brơi djru mơnuih ƀôn sang amăng bơyan ƀong tết, ngă yang thun phrâo djuai ania thun Nhâm Dần hăng djru kơ sang anŏ ư̆ rơpa truh bơyan tơjŭ pla akŏ thun 2022.

Kơ-iăng khua dêh čar pơtrun hiăp Ding jum prăk kăk, Ding jum Bruă mă Tơhan rơka hăng Mơnuih mơnam pơsir tơlơi anai djơ̆ hăng tơlơi phiăn; khom glăm ba tơlơi pơhing hăng mrô lăi pơthâo. Jơnum min mơnuih ƀôn sang djop tơring čar: Bình Định, Hà Giang, Đắk Nông, Tuyên Quang, Đắk Lắk, Bình Phước, Quảng Trị, Kon Tum, Lạng Sơn, Lai Châu  glăm ba tơlơi tong ten djơ̆ anăn, djop mrô lăi pơthâo lơ̆m djru braih hmao kru, djơ̆ mơnuih kiăng djru, rơnoh djru tui tơlơi phiăn pơtrun.

Nay Jek: Pơblang