Tơdơi kơ hơmâo tơlơi truh tơhlŏm taluy ngă 2 čô mơnuih djai, hơdôm anom bruă, mơnuih ƀôn sang hơmâo nao čuă jơmư, djru brơi sang anŏ tal blung a. Amăng anun, Jơnum min djŏp djuai ania mơnuih mơnam Việt Nam tơring čar Lâm Đồng hơmâo djru ba 30 klăk prăk, Anom bruă git gai pơgang tơlơi truh lŏn adai ngă hăng djru mơnuih bưp tơlơi truh tơring čar Lâm Đồng hơmâo djru 20 klăk prăk, Khul ia jrao kyâo bơrơkal mriah tơring čar Lâm Đồng djru 3 klăk, hơdôm anom bruă amăng plơi prong Đà Lạt hơmâo djru 73 klăk prăk, pô sang hăng anom bruă pơkra anih anom djru ba 85 klăk prăk. Mrô prăk hơmâo djru ba sang anŏ mơnuih djai truh mông anai hơmâo rơbêh 200 klăk prăk. Hrŏm hăng anun, iâu pơthưr mơnuih ƀôn sang gum djru, plơi prong Đà Lạt ăt brơi giăm 20 klăk prăk djru kơ 3 čô mơnuih ruă tơdu amăng tơlơi truh lŏn tơhlŏm.