VOV4.Jarai - Pơđut mông mă bruă hăng Khua mua tơring čar Khánh Hòa laih rơgao, Khua dêh čar ta ơi Phạm Minh Chính biă mă ñu lăi pơtong Khánh Hoà kiăng pơjing rai tơlơi dưi phrâo kiăng pơhưč tuh pơ alin mơng jar kmar hăng đing nao bruă dưm dăp, man pơdong tơring glông bul pơtâo Trường Sa jing anih phun bơwih ƀong huă, gru grua, mơnuih mơnam amăng kual ia rơsĭ, jing anih kjăp pioh wai pơgang bul pơtâo dêh čar ta. Khua dêh čar biă mă ñu đing nao akŏ bruă man pơdong tơring glông bul pơtâo Trường Sa jing anih phun bơwih ƀong huă, gru grua, mơnuih mơnam amăng kual ia rosĭ đơ đam dêh čar hăng lĕ anih kjăp pioh wai pơgang bul pơtâo dêh čar.

Khua dêh čar ơi Phạm Minh Chính

Bruă anai kiăng kơ ngă tañ hloh hăng tơdơi kơ hơmâo kơčăo bruă kiăng kơ đing nao ngă tui,  blung hlâo kiăng kơ ĕp rơnoh prăk tuh pơ alin man pơdong anih djru brơi bruă hyu mă akan hơdang ƀơi anai; tŏ tui pơtrut pơsur mơnuih ƀon sang djru pơđĭ kyar bơwih ƀong huă - mơnuih mơnam, gru grua, hơđong tơlơi hơdip amăng sui thun ƀơi tơring glông bul pơtâo, djơ̆ hăng tơlơi črâo trun, hơdră bruă, tơlơi phiăn mơng Ping gah hăng Kơnuk kơna, djơ̆ hăng tơlơi phiăn jar kmar, sit biă ñu lĕ Tơlơi pơkôl mơng Sang gum hơbit djop dêh čar kơ tơlơi phiăn kual ia rơsĭ (UNCLOS) thun 1982.

Siu Đoan: Pơblang