VOV4.Jarai-Amăng tal rai čuă jơmư sit nik Việt Nam mơ̆ng Khua dêh čar Malaysia hăng Grup khua mua kơnuk kơna dêh čar Malaysia, tlam lơ 20/3, Khua dêh čar Malaysia hrom hăng khua mua dêh čar anai hơmâo bưp khua mua 3 boh anom bruă sĭ mơdrô Việt Nam anun lĕ: Sovico; anom bruă Man pơdong Hòa Bình hăng Gami. Ƀơi mông bưp, Khua dêh čar Malaysia čang rơmang anom bruă bơwih ƀong huă dua bơnah ăt ngă hrom lu bruă mă yôm phun kah hăng:

Jơlan glông pơdŭ pơgiăng, tuai čuă ngui, mă bruă apah….Anai lĕ, hơdôm bruă mă pơdơi hĭ sui hrơi blan yua klin kheng ngă laih anun amra pok glăi tañ pơ anăp anai. Ding jum sĭ mơdrô hăng tuh tia pơkra pơjing hăng jar kmar dêh čar Malaysia lăi Việt Nam hăng Malaysia hơmâo lu tơlơi gêh găl pơtrut bơwih ƀong huă dua bơnah tơdơi kơ abih klin covid 19, boh nik ñu amăng bruă sĭ mơdrô hăng tuh pơ alin.

Nay Jek: Pơblang