VOV4.Jarai - Mơguah lơ 14/8, Sang djă pioh gru grua Daklak gum hrom hăng Khul pơgang bơnga hơtai rơman Việt Nam, Anom kơsem min hơdră phrâo sinh học hăng rơhuông adai lŏn mơnai – Sang hră đại học Tây Nguyên, hăng sa dua bôh anom pơphun Jơlan hơdră “Ba bơnga hơtai rơman glăi hăng phun akha ñu”, gĕp rơbêh kơ 3.000 ƀĕ phun bơnga hơtai rơman ƀơi hơdôm phun kyâu amăng Sang djă pioh gru grua Daklak hăng Gru grua đưm lŏn ia mrô 4 Nguyễn Du (juăt iâu lĕ Biệt Điện Bảo Đại).

Gep 3000 ƀĕ phun bơnga hơtai rơman ƀơi phun kyâu

Ơi Phan Xuân Thủy, Khua Khul khăp kơ bơnga hơtai rơman Việt Nam, brơi thâo, mơng ră anai truh rơnuč thun, jơlan hơdră “Ba bơnga hơtai rơman glăi hăng anih dô̆ mơng ñu” amra dô̆ pơphun năng ai ñu 3 tal dong, pla bơnga hơtai rơman ƀơi abih bang hơdôm phun kyâu ƀơi Sang djă pioh gru grua Daklak (plơi prong Buôn Ma Thuột) hăng ba bơnga hơtai rơman glăi hăng anih dô̆ hơđăp mơng ñu ƀơi Yok Đôn, hăng čang rơmang djru djă pioh, pơgang hơdôm djuai bơnga hơtai rơman yôm amăng dlai tlô ăt kah hăng djru tuai hyu čuă lăng anô̆ hiam mơng kual lŏn Daklak./.

Siu H’ Prăk: Pơblang