Gia Lai akŏ pơdong 77 ping gah să phường phrâo
Thứ năm, 13:00, 19/06/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Lơ 18/6, Ping gah tơring čar Gia Lai pơphun Jơnum sem lăng, pơsit pơđut hĭ bruă mă mơ̆ng hơdôm ping gah tơring glông hăng akŏ pơdong hơdôm ping gah să phrâo tui hơdră dăp glăi anom bruă kơnuk kơna.
Tui hăng hơdră dăp glăi anom bruă tơring glông hăng să, mông jơnum pơsit pơđut laih bruă mă mơ̆ng 17 ping gah tơring glông, plơi prong hăng akŏ pơdong phrâo 77 ping gah să, phường.
Gia Lai ăt pơsit pơplih glăi mrô mơnuih mă bruă amăng ping gah să tơdơi kơ dăp glăi. Rim ping gah să amra akŏ pơdong 3 anom bruă djru bruă. Hơdôm boh să, phường hơmâo anih pơdong ƀơi anom bruă kơđi čar tơring glông amra akŏ pơdong thim anom bruă kơđi čar yua ping gah wai lăng. Ping gah tơring čar kiăng hơdôm anom bruă ječ ameč pok pơhai hơdră ngă bruă tŏ tui dong, pơhlôm abih bang ping gah să, phường phrâo mă bruă sit nik mơ̆ng lơ 1/7/2025./.
Viết bình luận