VOV4.Jarai-Lơ 8/9, kông an tơring čar Gia Lai pơphun jơnum lăi pơthâo akŏ pơjing hăng pơphun mă bruă anom pơtruh nao rai pơgăn tơlơi soh ma túy găn rơgao ƀơi guai dêh čar tơring čar Gia Lai. Anai lĕ, anom bruă pơtruh nao rai tal 22 ƀơi 15 boh tơring čar hơmâo guai hăng dêh čar tač rơngiao mơ̆ng dêh čar ta. Tơring čar Gia Lai hơmâo giăm 90 km jơlan guai dêh čar, jĕ giăm hăng tơring čar Ratanakiri dêh čar Kur, hơmâo amăng jang jơlan guai dêh čar Lệ Thanh, 2 amăng jang anet, 6 jơlan amrĕ. Anih anom giăm guai dêh čar lĕ juăt hơmâo ƀing soh sat ba hyu hot jrao ma tŭy, hlô mơnong glai; sĭ mơdrô hăng pơđuăi hyu mơnuih mut tơbiă ča čot.

Kông an tơring čar Gia Lai tŭ mă hră brơi akŏ pơjing anom bruă pơtruh nao rai pơgăn tơlơi

soh ma túy ƀơi guai dêh čar

Yua kơ anun, bruă akŏ pơjing anom bruă pơtruh nao rai tơlơi pơhing anai kiăng pơgăn bruă mă mơ̆ng ƀing soh sat ma túy. Pơ anăp anai, Anom bruă pơtruh nao rai anai ƀơi Gia Lai pơphun jơnum bưp pơčrông sai pơpha bruă mă ngă hrom kĭ hră hơdor pioh gah anom bruă pơgăn tơlơi soh sat tơring čar Ratanakiri dêh čar Kur; laih dơ̆ng akŏ pơjing bruă  pơgang tong ten laih anun pơgăn khut khăt tơlơi soh sat ma túy găn rơgao mut nao rai ƀơi guai dêh čar.

Nay Jek: Pơblang