VOV4.Jarai - Lơ 28/6, Ping gah tơring čar Gia Lai hơmâo tơlơi pơtrun akŏ pơjing Khul git gai pơgăn hưp ƀong kông ngă, bruă ngă soh amăng tơring čar. Tui anun, Khul git gai hơmâo 15 čô ding kơna, amăng anun, ơi Hồ Văn Niên - Khua git gai Ping gah tơring čar, Khua khul pơ ala mơnuih ƀon sang tơring čar Gia Lai apăn akŏ; ơi Rahlan Chung - Kơ-iăng Khua git gai Ping gah, Khua anom pơphun bruă Ping gah tơring čar ngă kơ-iăng khul. Khul git gai pơgăn hưp ƀong kông ngă, bruă ngă soh amăng tơring čar amra pơphô bruă, djru brơi Khul apăn bruă Ping gah tơring čar git gai hăng pok pơhai ngă tui bruă pơgăn hưp ƀong kông ngăn, bruă ngă soh amăng tơring čar, tui tơlơi pơtrun mrô 67 - QĐ/TW, lơ 2/6/2022 mơng Khul čih pioh kơ bruă jao, tơlơi glăm ba, pơphun bruă mă, tơlơi pơkă amăng bruă mă, tơlơi gum hrŏm amăng bruă git gai pơgăn hưp ƀong kông ngăn, bruă ngă soh gưl tơring čar, ƀôn prong.

Siu Đoan: Pơblang