Tui hăng tơlơi lăi pơthâo, sa blan rơgao, gong gai să ƀơi Gia Lai hmao kru ngă hră git gai črâo bruă; ngă giong bruă ruah khua mua, mơnuih mă bruă, anih anom ngă bruă hăng măi mok gơnam tam či ngă bruă ƀơi hơdôm Anom bruă bơwih brơi mơnuih ƀôn sang ngă hră pơ-ar. Anih čơkă hră pơ-ar mă bruă tŭ yua, hăng rơbêh 163.000 pok hră hơmâo mă; pơkra brơi djơ̆ hrơi pơkă hơmâo 97,65%...Khă hnun, truh ră anai, hră pơ-ar pơtô brơi sang să ngă bruă ăt dŏ luk puk mơn, mơnuih mă bruă sit nik aset tui, biă ñu lĕ mơnuih kơhnăk bruă măi mok pôr pơhing. Anih anom ƀơi lu boh să, phường sô laih, rơdêh nao rai ngă bruă hai ƀu dưm kơnar lơi.

Ƀơi anăp tơlơi hơmâo lăi nao, ơi Hồ Quốc Dũng, Khua Ping gah tơring čar Gia Lai kiăng hơdôm boh să gir kơtir, prăp rơmet giong anih anom mă bruă, čih pơkra tơlơi phiăn ngă bruă hăng jơlan hơdră ngă bruă lăp djơ̆. Hơdôm gơnong bruă, anom bruă khŏm ngă hrŏm pok anih pơtô pơhrăm, pơhrua tui tơlơi rơgơi, kiăng mơnuih mă bruă apăn hloh tui jơlan “djă tơngan črâo bruă” kơ ƀing mă bruă amăng să; sem lăng hăng ba tơbiă hơdră ruah mơnuih mă bruă ƀudah pơplih nao rai anih mă bruă mơ̆ng ƀing khua, mơnuih mă bruă rơbêh mơ̆ng hơdôm boh să pơkŏn ba nao pơ să dŏ kơƀah mơnuih. Tơring čar amra pioh năng ai 250 klai prăk djru kơ hơdôm boh să phường blơi gơnam, pơkra glăi klă hloh măi mok./.