Ngă tui bruă ƀong bôh hơdor kơ pô pla, Jơnum min mơnuih ƀôn sang tơring čar Gia Lai hmâo mă yua laih ngăn drăp 1 klai 500 klăk prăk, pơphun grŭp hyu tơña bla, ƀơk gơnam kơ hơdôm bôh sang anô̆ gah hơdră bruă, mơnuih djru ngă hơkrŭ đưm... dưi čơkă mă gơnam tam hmâo nua 300 rơbâo prăk.

Ƀing amĭ Việt Nam Sông kơtang, ling tơhan rơka ruă rơbêh kơ 81%, sang anô̆ ling tơhan pơsăn drơi hmâo tơlơi hơdip tơnap tap dưi čơkă mă anung gơnam hmâo nua 600 rơbâo prăk. Ăt amăng tal anai mơn, Khua tơring čar Gia Lai pơphun 19 grŭp hyu čuă 10 čô Amĭ Việt Nam Sông kơtang, hrŏm hăng sa dua bôh sang anô̆ mơnuih djru ngă hơkrŭ đưm ƀuh rơđah hloh hăng rơnoh nua gơnam 2.500.000 prăk. Tơring čar ăt ƀơk mơn rơbêh kơ 9000 anung gơnam mơ̆ng Khua mir sir dêh čar kơ mơnuih djru ngă hơkrŭ đưm ƀơi Gia Lai./.