Amăng tal jơnum, Khul Khua pơ ala mơnuih ƀôn sang tơring čar Gia Lai tal 12 (rơwang bruă 2021-2026) hmâo hră lăi pơthâo yă Đinh Ly An – Kơ-iăng Khua Grŭp pơkă tơlơi phiăn Khul khua pơ ala mơnuih ƀôn sang tơring čar 12 pioh khua pơ ala Khul khua pơ ala mơnuih ƀôn sang tơring čar ruah ngă Khua Djuai ania Khul khua pơ ala mơnuih ƀôn sang tơring čar tal 12 (rơwang bruă 2021-2026).

Bôh tơhnal, yă Đinh Ly An dưi hmâo 62/62 mrô khua pơ ala Khul pơ ala mơnuih ƀôn sang tơring čar ruah, hmâo mrô hră ruah 100 %. Ăt amăng tal jơnum anai mơn, Khul khua pơ ala mơnuih ƀôn sang tơring čar ăt hmâo ngă tui mơn bruă brơi pơdơi hăng Ding kơna Jơnum min mơnuih ƀôn sang tơring čar tal 12 (rơwang bruă 2021-2026) hăng ơi Nguyễn Văn Lộc – Khua Anom bruă Jơnum min mơnuih ƀôn sang tơring čar hăng ơi Nguyễn Ngọc Hùng – Khua Gơnong bruă tơlơi pơhing – Pôr pơhing Gia Lai. Hlâo kơ anun, 2 gơñu hmâo laih tơlơi pơsit pơdơi lơtret tui tơlơi phiăn pơkă./.