VOV4.Jarai-Ơi Nguyễn Văn Độ, Khua Jơnum min Ia Me, tơring glông Čư̆ Prong, Gia Lai brơi thâo, mơmŏt lơ 25/8, sang să nao čuă lăng, tơña bla laih anun djru ba sang anŏ 2 čô mơnuih djai yua tal tlă, grom ngă. Hlâo kơ anun, lơ 25/8, sa grup tơdăm 4 čô plơi Som, să Ia Me hơmâo: ayong Kpă Tuyên tơkeng thun 1985, Siu Bĕo thun tơkeng 1992, Rmah Đuôm thun tơkeng 1983, Rmah Hoang thun tơkeng 1998 nao pơ hmua giăm hnoh ia plơi Đê Sơ, să Ia Me.

Khua mua să Ia Me nao tơña bla juh alum sang anŏ ƀing djai yua tal tlă

Truh 2 mông 30 mơnit tlam hrơi anun, hơjan kơtang anun 4 gơñu anai nao kơđap amăng rơnưh hmua, lơ̆m anun grom kơmlă kơtang hăng tal tlă giăm atông rơnưh gơñu dŏ, djơ̆ hĭ Kpă Tuyên laih anun Siu Bĕo djai mơtam. Đuôm hăng Hoang bưng băi huăi hơgĕt ôh. Hmư̆ lăi pơthâo, lu tơhan kơnuk kơna amăng plơi pla nao ĕp lăng hăng ba glăi dua čô djai anun glăi pơ sang, sang anŏ ƀing gơñu lêng kơ ƀun rin tơnap tap soh.

Nay Jek: Pơblang