VOV4.Jarai-Mơguah lơ 19/5, ƀơi tơdron lăk mriah Đại Đoàn Kết, anom bruă ping gah, jơnum min pơ ala mơnuih ƀôn sang, jơnum min mơnuih ƀôn sang, jơnum min djop djuai ania mơnuih mơnam Việt Nam tơring čar Gia Lai jơnum prong biă mă pơđĭ hla gru ƀrô hơdor glăi tal 132 thun hrơi tơkeng kơ Khua mir sir Hồ Chí Minh lơ 19/5/1890-lơ 19/5/2022 hăng 90 thun hrơi akŏ pơdong tơring čar Gia Lai lơ 24/5/1932-lơ 24/5/2022.

Mông kơkuh pơpŭ hơdui đĭ hla gru ƀơi tơdron lăk Đại Đoàn Kết

Amăng mông jơnum kơdrưh, hla gru ƀing tơhan blah ngă  tơring čar Gia Lai hơdui đĭ mă mơ̆ng kơnưl ba nao pơ gong hla gru hăng hơdui đĭ kơkuh kơ. Ƀơi mông ngă lơphet kơkuh kơ, ƀing tơhan blah ngă Gia Lai rŭi tơhan kơtang, kiăng pơtrut pran jua ling tơhan găn nao pơ rup trah Wa Hồ hăng djop djuai ania kual Dap Kơdư. Pơdah rai tơlơi kơtang mơ̆ng tơhan blah hơdeč, pran kơtang đĭ na nao djop mơta, kiăng pơthâo brơi tong ten tlep hăng Ping gah, bruă hơkrŭ lŏn ia djuai ania. Tơdơi kơ hơdui đĭ hla kơ, hla gru khua mua tơring čar Gia Lai hơmâo pơyơr bơnga, čuh ñang h’ŭ kơ Wa Hồ hing ang.

Nay Jek: Pơblang